Alvaro Morataning fikricha, Ispaniya terma jamoasini Yevro-2024 g‘olibi bo‘lgunga qadar ko‘pchilik mensimagan.
"Men sardorlik uchun yetarli fazilatlarga ega emasligimni, biz yaxshi jamoa emasligimizni, Yevroda g‘alaba qozonishning iloji yo‘qligi haqida ko‘p o‘qidim.
Yevro haqida hujjatli filmlar va materiallar chop etildi va odamlar biz erishgan yutuqlarimizni ko‘rishlari mumkin.
Angliya va Fransiya ikkita eng yaxshi jamoa sifatida saralandi, ammo menimcha, biz jamoaviy ruhimiz tufayli ulardan ustun edik. O‘ylaymanki, bu g‘alaba qozonishimizning sababi bo‘ldi.
Turnir oldidan ispan nashrlaridan biriga intervyu bergandim. Ular menga Ispaniyada jahon darajasidagi o‘yinchi yo‘q, deganlari uchun biroz jahlim chiqdi.
Ularning yulduzi yo‘q deyishdi. Men javob berdim: Men uchun Merino, Fabian Ruiz, Olmo juda muhim o‘yinchilar edi.
Hammasi kuchli. Bu futbolchilar Yevroda o‘zlarini eng yaxshi tomonlama ko‘rsatishdi. Ular g‘alaba qozonishimizga yordam berishdi.
O‘sha paytdan boshlab hamma narsa o‘zgardi. Bu yigitlarni Ispaniyada qadrlashmasdi. Achinarlisi, yevrodagi g‘alabadan keyingina hamma ispan o‘yinchilari qanchalik yaxshi ekanini anglab yetdi", — dedi “Milan” va Ispaniya terma jamoasi hujumchisi.
