"Bolonya" bosh murabbiyi Vinchenso Italyano "Monako"ga qarshi o‘yin oldidan jurnalistlar bilan suhbatlashdi.
"Monako" so‘nggi mag‘lubiyatlarga qanday munosabatda bo‘lishini bilmayman, ammo shuni ayta olamanki, ketma-ket ikki g‘alabadan keyin o‘zimizni ishonchli his qilmoqdamiz.
Qolaversa, biz o‘z uyimizda o‘ynayapmiz, demak, stadionda fantastik muhit hukm suradi, muxlislar bizni oxirigacha qo‘llab-quvvatlashlariga ishonaman.
Bizning ushbu turnirdagi maqsadimiz kuchli 24 talikka kirish, agar bunga erishsak, katta ish qildik, deb hisoblashimiz mumkin.
Ammo, umuman olganda, biz Chempionlar ligasini o‘sish uchun imkoniyat sifatida ko‘ramiz, shuning uchun biz birinchi navbatda turnir jadvalida emas, yaxshi o‘ynashga e’tibor qaratamiz", - deya Italyanoning so‘zlaridan iqtibos keltiradi TMW.
