"Manchester Yunayted" futbolchilari Ruben Amorim "qizil iblislar" bosh murabbiyiga aylangandan keyin ham vaqtinchalik bosh murabbiy Rud van Nistelroy jamoada qolishini istamoqda.
Manbaga ko‘ra, "Yunayted" futbolchilari niderlandiyalikni yangi murabbiylar shtabi va jamoa o‘rtasidagi bo‘g‘in sifatida ko‘rishmoqda, shuningdek, van Nistelroyning futbolchilar bilan muloqot qilish uslubini ham qadrlashmoqda. Qayd etilishicha, klub rahbariyati va asosiy jamoani qo‘llab-quvvatlovchi barcha xodimlar Rudni o‘zini tutishi uchun katta hurmat qilishadi.
Portugaliyalik Ruben Amorim 11 noyabr kuni “qizil iblislar” safiga qo‘shilishi kerak.
