Bugun “Andijon” futbol klubining 60 yillik yubiley bayrami. O‘FA birinchi vise-prezidenti Ravshan Ermatov boshchiligidagi delegasiya Andijonga keldi. Delegasiya a’zosi To‘lagan Isoqov quyidagidlarni gapirib o‘tdi:

"60 yillik yubiley har doim bo‘lavermaydi. Andijon halqi bunday kunlarni orziqib kutgan. Mana, niyatiga yetdi. 60 yoshga to‘lganda O‘zbekiston Kubogini qo‘lga kiritishdi. FIFAning futzal bo‘yicha jahon chempionatining bir bo‘lagi ham Andijonda o‘tdi. Bunday bayram bilan Andijon xalqini tabriklaymiz. Endi jamoani oldida yanada katta mas’uliyat turibdi. Kelasi yili Osiyo Chempionlar ligasida ishtirok etadi. Jamoani ham kuchaytirish kerak. OCHLda faqatgina ishtirok bilan cheklanmasdan, o‘zini albatta ko‘rsatishi lozim. Sizlarga omad tilaymiz. Yoshlarga nasihatim: o‘zbek futbolini kelajagisizlar. Qulog‘inglarga quyib olinglarki, doim futbol ishqibozlarini hurmat qilinglar. Nimagaki, futbolchilarni ko‘kka ko‘taradigan ham muxlislar va yerga uradigan ham muxlislar bo‘ladi. Sizlarga omad tilayman!” - dedi To‘lagan Isoqov.