Yakshanba kuni Angliya Premyer-ligasi doirasida "Chelsi" va "Arsenal" o‘rtasida London derbisi bo‘lib o‘tadi. Nufuzli Goal portali vinger Rahim Sterlingning “kanonirlar” safida o‘ynamasligiga e’tibor qaratdi.
Premyer-liga qoidalariga ko‘ra, ijaraga olingan futbolchi o‘zi tegishli bo‘lgan klubga qarshi o‘ynay olmaydi. Shu tariqa Sterlingga “Chelsi”ga qarshi o‘ynash taqiqlangan.
Rahim Sterling ijara asosida qo‘shilganidan beri "Arsenal"ning sakkizta o‘yinida maydonga tushdi. Futbolchi bitta gol va bitta golli uzatmaga ega.
