«Real Madrid» yaqinda bo‘lib o‘tgan «Oltin to‘p»ni topshirish marosimini o‘tkazib yubordi. Matbuot madridliklar o‘z futbolchisi emas, balki Rodrining ovoz berishdagi ehtimoliy g‘alabasi haqida ma’lumot olgach, Parijga bormaslik qarori haqida yozdi. Haqiqatan ham nufuzli mukofotni qo‘lga kiritgan Rodrining o‘zi bu borada fikr bildirdi.
«Albatta, ikkinchi, uchinchi, to‘rtinchilar yetishmadi. Men sayyoramizning barcha eng yaxshi futbolchilari shunday oqshomda hozir bo‘lishlarini istardim. Marosimni eng yaxshi jamoa o‘tkazib yubordi, eng yaxshi murabbiy ham. Men hammaning qarorini hurmat qilishim kerak, ammo men bunday qilmagan bo‘lardim», - dedi Rodri.
