Madridning “Real” klubi hujumchisi Kilian Mbappe kecha, 9-noyabr kuni bo‘lib o‘tgan “Osasuna” bilan La Liga uchrashuvida (4:0) klubdagi sherigi Vinisiusning xet-trikiga tushunarsiz tarzda munosabat bildirdi.
Braziliyalik futbolchi o‘zining uchinchi golini kiritganida, fransuz sherigini tabriklashga shoshilmadi, qolgan jamoadoshlari esa Vinisiusning yoniga borib uni qutlashdi.
Ijtimoiy tarmoqlarda shu lahzada muxlislar o‘rtasida Mbappening jamoadoshlari bilan munosabatlari keskinligi haqida suhbatlar paydo bo‘ldi. E’tiborlisi, "Osasuna" bilan o‘yinda fransuz o‘yinni doimiy ravishda o‘z qo‘liga oldi, lekin u gol ura olmadi.
