"Barselona" bosh murabbiyi Xansi Flik Ispaniya La ligasining 13-turi doirasida bo‘lib o‘tgan "Real Sosyedad"ga qarshi o‘yin borasida o‘z fikrini bildirib o‘tdi.

«Bugun bizning kun emas edi. Raqib qat’iyat bilan o‘ynadi. Muvaffaqiyatsizlikka uchradik va gol o‘tkazib yubordik. Biz yomon qarorlar qabul qildik. Biz o‘yinni yaxshi boshladik, lekin ular yaxshi pressing qilishdi».

«Men hakamga bekor qilingan gol bo‘yicha noto‘g‘ri qaror qabul qilganini aytdim».

«Laminni hamma sog‘inadi. U xalqaro tanaffusdan keyin safga qaytadimi yoki yo‘qmi, bilmayman».

“Levandovskining goli? Bu noto‘g‘ri qaror edi, aniq. Bu mening fikrim, chunki men rasmni ko‘rdim. Bu aniq-tiniq gol edi. Biz buni qabul qilishimiz kerak. Bu hakamning aybi emas. Oxir oqibat, biz insonlarmiz, xato qilamiz va bugun katta xato bo‘ldi».

“Bizda gol urish uchun yaqqol imkoniyatlar bo‘lmadi va biz maydonning raqibga yaqin qismida noto‘g‘ri qarorlar qabul qildik. Bugun yomon o‘ynaganimizni tan olishimiz kerak. Mag‘lubiyat uchun mas’uliyatni o‘z zimmamizga olishimiz kerak", — dedi germaniyalik mutaxassis.