"Барселона" бош мураббийи Ханси Флик Испания Ла лигасининг 13-тури доирасида бўлиб ўтган "Реал Сосьедад"га қарши ўйин борасида ўз фикрини билдириб ўтди.

«Бугун бизнинг кун эмас эди. Рақиб қатъият билан ўйнади. Муваффақиятсизликка учрадик ва гол ўтказиб юбордик. Биз ёмон қарорлар қабул қилдик. Биз ўйинни яхши бошладик, лекин улар яхши прессинг қилишди».

«Мен ҳакамга бекор қилинган гол бўйича нотўғри қарор қабул қилганини айтдим».

«Ламинни ҳамма соғинади. У халқаро танаффусдан кейин сафга қайтадими ёки йўқми, билмайман».

“Левандовскининг голи? Бу нотўғри қарор эди, аниқ. Бу менинг фикрим, чунки мен расмни кўрдим. Бу аниқ-тиниқ гол эди. Биз буни қабул қилишимиз керак. Бу ҳакамнинг айби эмас. Охир оқибат, биз инсонлармиз, хато қиламиз ва бугун катта хато бўлди».

“Бизда гол уриш учун яққол имкониятлар бўлмади ва биз майдоннинг рақибга яқин қисмида нотўғри қарорлар қабул қилдик. Бугун ёмон ўйнаганимизни тан олишимиз керак. Мағлубият учун масъулиятни ўз зиммамизга олишимиз керак", — деди германиялик мутахассис.