Raul Asensio Madridning asosiy jamoasida mavsum oxirigacha qoladi.
Futbolchi asosiy jamoa safida La Liganing 13-turi doirasidagi “Osasuna”ga (4:0) qarshi o‘yinda maydonga tushdi. Birinchi bo‘lim davomida “Real”ning uch nafar futbolchisi jarohat oldi. Keyinchalik ma’lum bo‘lishicha, himoyachi Eder Militao xochsimon bog‘lami yirtilgani sababli mavsumning qolgan qismida maydonga tusha olmaydi.
Markaziy himoyachi sifatida o‘ynaydigan Asensio ilk o‘yinida golli uzatmani amalga oshirdi.
Himoyadagi jarohat tufayli "Real Madrid" o‘rniga munosib o‘yinchilarni qidirishda davom etmoqda. Cope xabariga ko‘ra, "Kastilya"da o‘ynagan 21 yoshli himoyachi mavsum oxirigacha asosiy tarkibda bo‘ladi.
