Рауль Асенсио Мадриднинг асосий жамоасида мавсум охиригача қолади.

Футболчи асосий жамоа сафида Ла Лиганинг 13-тури доирасидаги “Осасуна”га (4:0) қарши ўйинда майдонга тушди. Биринчи бўлим давомида “Реал”нинг уч нафар футболчиси жароҳат олди. Кейинчалик маълум бўлишича, ҳимоячи Эдер Милитао хочсимон боғлами йиртилгани сабабли мавсумнинг қолган қисмида майдонга туша олмайди.

Марказий ҳимоячи сифатида ўйнайдиган Асенсио илк ўйинида голли узатмани амалга оширди.

Ҳимоядаги жароҳат туфайли "Реал Мадрид" ўрнига муносиб ўйинчиларни қидиришда давом этмоқда. Cope хабарига кўра, "Кастилья"да ўйнаган 21 ёшли ҳимоячи мавсум охиригача асосий таркибда бўлади.