"Arsenal" sardori Martin Edegor Norvegiya terma jamoasiga yo‘l oldi, bu esa klub va terma jamoa o‘rtasida ziddiyatga olib kelishi mumkin.
O‘tgan haftaning o‘rtalarida Chempionlar Ligasi doirasida "Inter"ga qarshi maydonga tushguniga qadar, Edegor avgust oyining oxiridan beri "Arsenal" safida o‘ynamagan edi. Bu vaqt davomida Martin to‘pig‘idan jarohat olib, sentyabr oyida Norvegiya terma jamoasi safida o‘ynagan edi.
Bir kun oldin 25 yoshli yarim himoyachi APL doirasidagi "Chelsi"ga qarshi o‘yinni (1:1) to‘liq o‘tkazib, Gabriel Martinelliga golli uzatma berdi va uzoq vaqt safda bo‘lmaganiga qaramay, o‘yinidan yuqori baho oldi.
Biroq, Edegor endi yana Norvegiya terma jamoasiga jo‘nab ketdi, u xalqaro tanaffusda Sloveniya va Qozog‘istonga qarshi o‘ynaydi.
Daily Mirror nashri xabariga ko‘ra, Norvegiya terma jamoasi bosh murabbiyi Stole Solbakken maydonga zo‘rg‘a qaytgan futbolchiga tanaffus berishdan bosh tortgan "Arsenal"dan hafsalasi pir bo‘lgan.
Endi "kanonirlar" faqat Edegorning klubga sog‘-salomat qaytishiga umid qilishlari mumkin.
