"Арсенал" сардори Мартин Эдегор Норвегия терма жамоасига йўл олди, бу эса клуб ва терма жамоа ўртасида зиддиятга олиб келиши мумкин.
Ўтган ҳафтанинг ўрталарида Чемпионлар Лигаси доирасида "Интер"га қарши майдонга тушгунига қадар, Эдегор август ойининг охиридан бери "Арсенал" сафида ўйнамаган эди. Бу вақт давомида Мартин тўпиғидан жароҳат олиб, сентябрь ойида Норвегия терма жамоаси сафида ўйнаган эди.
Бир кун олдин 25 ёшли ярим ҳимоячи АПЛ доирасидаги "Челси"га қарши ўйинни (1:1) тўлиқ ўтказиб, Габриэль Мартинеллига голли узатма берди ва узоқ вақт сафда бўлмаганига қарамай, ўйинидан юқори баҳо олди.
Бироқ, Эдегор энди яна Норвегия терма жамоасига жўнаб кетди, у халқаро танаффусда Словения ва Қозоғистонга қарши ўйнайди.
Daily Mirror нашри хабарига кўра, Норвегия терма жамоаси бош мураббийи Столе Сольбаккен майдонга зўрға қайтган футболчига танаффус беришдан бош тортган "Арсенал"дан ҳафсаласи пир бўлган.
Энди "канонирлар" фақат Эдегорнинг клубга соғ-саломат қайтишига умид қилишлари мумкин.
