Qanot vingeri Leroy Sanening kelajagi muhokama qilinmoqda, chunki futbolchining «Bavariya» bilan amaldagi shartnomasi mavsum oxirigacha amal qiladi. Sky Germany jurnalisti Florian Plettenbergning ijtimoiy tarmoqlarda xabar berishicha, Sane va «Bavariya» yangi mehnat shartnomasiga optimistik qarashmoqda. Ammo hozircha kelishuv yo‘q.

Yangi shartnoma imzolash uchun Sane maoshini yiliga taxminan 2-4 million yevroga kamaytirishi kerak. Amaldagi mehnat shartnomasiga ko‘ra, Sane ideal mavsumda 20 million yevrogacha pul ishlab olishi mumkin.

Qayd etilishicha, 28 yoshli Leroy Sane qishda ketishni rejalashtirmayapti, chunki futbolchi «Bavariya»ga sodiq.