"Barselona" yakshanba kuni "Real Sosyedad"ga 0:1 hisobida mag‘lub bo‘lib, muxlislarini xafa qildi. O‘yin davomida hakam Robert Levandovskining golini yarim avtomatik ofsayd tizimi yordamida bekor qildi. Polyak butsasining uchi ofsayd ekanligi aniqlandi.

Relevo xabariga ko‘ra, "Barselona" prezidenti Joan Laporta tanaffusda juda g‘azablangan. "Bunday bo‘lishi mumkin emas", deb takrorladi Kataloniya klubi rahbari.

Avvalroq ijtimoiy tarmoqlarda o‘yindan tashqari holatni aniqlash tizimi futbolchilar butsalarini tanib olishda biroz xatoga yo‘l qo‘ygani va aslida Levandovski ofsayd emasligi haqida fikr bildirilgan edi. Biroq, bu taxminlar o‘yin natijasiga hech qanday ta’sir ko‘rsatmadi.