"Барселона" якшанба куни "Реал Сосьедад"га 0:1 ҳисобида мағлуб бўлиб, мухлисларини хафа қилди. Ўйин давомида ҳакам Роберт Левандовскининг голини ярим автоматик офсайд тизими ёрдамида бекор қилди. Польяк бутсасининг учи офсайд эканлиги аниқланди.
Relevo хабарига кўра, "Барселона" президенти Жоан Лапорта танаффусда жуда ғазабланган. "Бундай бўлиши мумкин эмас", деб такрорлади Каталония клуби раҳбари.
Аввалроқ ижтимоий тармоқларда ўйиндан ташқари ҳолатни аниқлаш тизими футболчилар бутсаларини таниб олишда бироз хатога йўл қўйгани ва аслида Левандовски офсайд эмаслиги ҳақида фикр билдирилган эди. Бироқ, бу тахминлар ўйин натижасига ҳеч қандай таъсир кўрсатмади.
