Portugaliya terma jamoasi bosh murabbiyi Roberto Martines Millatlar ligasi guruh turniri doirasida Polshaga qarshi o‘yin (5:1) natijasini sarhisob qildi.
"Bu ikki qismdan iborat o‘yin edi. Birinchi bo‘lim juda yomon o‘tdi, konsentrasiyani yo‘qotdik va hafsalamiz pir bo‘ldi. Ammo ikkinchi bo‘lim men ko‘rgan eng yaxshisi bo‘ldi. Har bir o‘yinda g‘alaba qozonib, beshta gol urish oson emas.
Muxlislarimiz oldidagi g‘alaba alohida bo‘ldi. Vitinya maydonga chiqdi va juda yaxshi o‘ynadi. Ammo jamoalar o‘rtasidagi farq faqat bitta futbolchida emas. Biz mentalitetni o‘zgartirib, shiddatni oshirdik", - deya Martinesning so‘zlarini keltiradi UEFA rasmiy sayti.
Portugaliya 13 ochko bilan “A” ligasi 1-guruhida birinchi, Polsha 4 ochko bilan uchinchi o‘rinni egallab turibdi.
