Португалия терма жамоаси бош мураббийи Роберто Мартинес Миллатлар лигаси гуруҳ турнири доирасида Польшага қарши ўйин (5:1) натижасини сарҳисоб қилди.

"Бу икки қисмдан иборат ўйин эди. Биринчи бўлим жуда ёмон ўтди, концентрацияни йўқотдик ва ҳафсаламиз пир бўлди. Аммо иккинчи бўлим мен кўрган энг яхшиси бўлди. Ҳар бир ўйинда ғалаба қозониб, бешта гол уриш осон эмас.

Мухлисларимиз олдидаги ғалаба алоҳида бўлди. Витинья майдонга чиқди ва жуда яхши ўйнади. Аммо жамоалар ўртасидаги фарқ фақат битта футболчида эмас. Биз менталитетни ўзгартириб, шиддатни оширдик", - дея Мартинеснинг сўзларини келтиради УEФА расмий сайти.

Португалия 13 очко билан “А” лигаси 1-гуруҳида биринчи, Полша 4 очко билан учинчи ўринни эгаллаб турибди.