Millatlar ligasi mavsumi davom etmoqda.
Juma kuni Ispaniya terma jamoasi mehmonda Daniya ustidan 2:1 hisobida g‘alaba qozongan bo‘lsa, Portugaliya o‘z uyida Polshani 5:1 hisobida mag‘lub etdi.
Eslatib o‘tamiz, bu mavsum Millatlar ligasida 309 ta gol urilgan. Bu turnirdagi jamoalarga bitta gol urish uchun o‘rtacha 35 daqiqa kerak bo‘ladi.
Aytgancha, Millatlar ligasida eng ko‘p gol 76-dan 90-daqiqagacha bo‘lgan davrda (58 ta gol) kiritildi.
Qo‘shimcha qilib o‘tamiz, Millatlar ligasining final qismi yozda bo‘lib o‘tadi.
O‘tgan mavsumda Ispaniya terma jamoasi finalda Xorvatiyani penaltilar seriyasida mag‘lub etib, turnir g‘olibiga aylandi.
