Миллатлар лигаси мавсуми давом этмоқда.
Жума куни Испания терма жамоаси меҳмонда Дания устидан 2:1 ҳисобида ғалаба қозонган бўлса, Португалия ўз уйида Польшани 5:1 ҳисобида мағлуб этди.
Эслатиб ўтамиз, бу мавсум Миллатлар лигасида 309 та гол урилган. Бу турнирдаги жамоаларга битта гол уриш учун ўртача 35 дақиқа керак бўлади.
Айтганча, Миллатлар лигасида энг кўп гол 76-дан 90-дақиқагача бўлган даврда (58 та гол) киритилди.
Қўшимча қилиб ўтамиз, Миллатлар лигасининг финал қисми ёзда бўлиб ўтади.
Ўтган мавсумда Испания терма жамоаси финалда Хорватияни пенальтилар сериясида мағлуб этиб, турнир ғолибига айланди.
