Sentyabr oyi boshidan buyon hujumchi Viktor Osimxen Turkiyada "Galatasaroy" safida to‘p tepmoqda. "Sherlar" nigeriyalik futbolchini Osimxen qolishni istamagan "Napoli"dan ijaraga oldi.

Nemis jurnalisti Florian Plettenbergning ijtimoiy tarmoqlarda xabar berishicha, "Galatasaroy" rahbarlari Osimxenni keyingi mavsumda saqlab qolish uchun hamma narsani qilmoqda. Shu bilan birga, Istanbul klubi boshliqlari yuqori darajali hujumchini saqlab qolish qiyin bo‘lishini tushunishadi.

Osimxenning o‘zi "Galatasaroy", Istanbul va klub muxlislarini yaxshi ko‘radi. Viktor jamoa safida to‘qqizta o‘yinda sakkizta gol urdi va to‘rtta golli uzatmani amalga oshirdi.