Сентябрь ойи бошидан буён ҳужумчи Виктор Осимхен Туркияда "Галатасарой" сафида тўп тепмоқда. "Шерлар" нигериялик футболчини Осимхен қолишни истамаган "Наполи"дан ижарага олди.

Немис журналисти Флориан Плеттенбергнинг ижтимоий тармоқларда хабар беришича, "Галатасарой" раҳбарлари Осимхенни кейинги мавсумда сақлаб қолиш учун ҳамма нарсани қилмоқда. Шу билан бирга, Истанбул клуби бошлиқлари юқори даражали ҳужумчини сақлаб қолиш қийин бўлишини тушунишади.

Осимхеннинг ўзи "Галатасарой", Истанбул ва клуб мухлисларини яхши кўради. Виктор жамоа сафида тўққизта ўйинда саккизта гол урди ва тўртта голли узатмани амалга оширди.