Londonning “Arsenal” klubi markaziy himoyachi Uilyam Salibani sotish niyatida emas. Ko‘plab mish-mishlarga ko‘ra, "Real" fransiyalik futbolchini kelasi yozdagi transfer maqsadlaridan biri sifatida belgilagan.
Football Insider xabariga ko‘ra, "Arsenal" "Real"dan Saliba bo‘yicha taklif tushsa, rad etadi. "Kanonirlar" 23 yoshli futbolchini loyihaning asosiy figurasi deb bilishadi va uning ketishiga yo‘l qo‘ymaslik uchun bor kuchlarini ishga solishadi.
Uilyam Salibaning "Arsenal" bilan shartnomasi 2027 yilning o‘rtalariga qadar amal qiladi. Transfermarkt portali markaziy himoyachining transfer qiymatini 80 million yevroga baholamoqda.
