Лондоннинг “Арсенал” клуби марказий ҳимоячи Уильям Салибани сотиш ниятида эмас. Кўплаб миш-мишларга кўра, "Реал" франциялик футболчини келаси ёздаги трансфер мақсадларидан бири сифатида белгилаган.
Football Insider хабарига кўра, "Арсенал" "Реал"дан Салиба бўйича таклиф тушса, рад этади. "Канонирлар" 23 ёшли футболчини лойиҳанинг асосий фигураси деб билишади ва унинг кетишига йўл қўймаслик учун бор кучларини ишга солишади.
Уильям Салибанинг "Арсенал" билан шартномаси 2027 йилнинг ўрталарига қадар амал қилади. Transfermarkt портали марказий ҳимоячининг трансфер қийматини 80 миллион еврога баҳоламоқда.
