"Liverpul"ning sobiq himoyachisi, hozirda futbol eksperti bo‘lib ishlayotgan Jeymi Karrager nima uchun professional futbolchilik faoliyatini yakunlaganini esladi. Karrager 1996 yildan 2013 yilgacha "mersisaydliklar" klubida o‘ynagan.

"Birinchi marta o‘ynashni boshlaganimda o‘z oldimga mavsumda kamida 50 ta o‘yin o‘tkazishni maqsad qilganman. 2000 yildan beri shunday bo‘ldi, faqat bir mavsumda oyog‘im singanligi uchun kamroq o‘ynadim. Men har uch kunda o‘ynadim, chunki agar boshqacha bo‘lganida, men 20 yoshdayoq faoliyatimni tugatgan bo‘lardim. Men hech qachon o‘rinbosar bo‘lishga rozi bo‘lmagan bo‘lardim, lekin oxiriga kelib zaxira o‘rindig‘iga o‘tirdim.

Eng yomoni, o‘yinning ertasiga - maydonga tushmagan futbolchilar mashg‘ulot maydonida paydo bo‘ldi. Va men xijolat bo‘ldim. Men hamma narsani tushundim, o‘z tajribamni yoshlar bilan baham ko‘rishim mumkin edi, lekin "men bu yerda nima qilyapman?" degan fikr meni tark etmadi. 2012/2013 yilgi mavsumning so‘nggi 10-12 o‘yinini o‘tkazdim va bu faoliyatimni yakunlashning ajoyib usuli bo‘ldi", - dedi Karrager Liverpool Echo bilan suhbatda.