"Ливерпул"нинг собиқ ҳимоячиси, ҳозирда футбол эксперти бўлиб ишлаётган Жейми Каррагер нима учун профессионал футболчилик фаолиятини якунлаганини эслади. Каррагер 1996 йилдан 2013 йилгача "мерсисайдликлар" клубида ўйнаган.

"Биринчи марта ўйнашни бошлаганимда ўз олдимга мавсумда камида 50 та ўйин ўтказишни мақсад қилганман. 2000 йилдан бери шундай бўлди, фақат бир мавсумда оёғим синганлиги учун камроқ ўйнадим. Мен ҳар уч кунда ўйнадим, чунки агар бошқача бўлганида, мен 20 ёшдаёқ фаолиятимни тугатган бўлардим. Мен ҳеч қачон ўринбосар бўлишга рози бўлмаган бўлардим, лекин охирига келиб захира ўриндиғига ўтирдим.

Энг ёмони, ўйиннинг эртасига - майдонга тушмаган футболчилар машғулот майдонида пайдо бўлди. Ва мен хижолат бўлдим. Мен ҳамма нарсани тушундим, ўз тажрибамни ёшлар билан баҳам кўришим мумкин эди, лекин "мен бу ерда нима қиляпман?" деган фикр мени тарк этмади. 2012/2013 йилги мавсумнинг сўнгги 10-12 ўйинини ўтказдим ва бу фаолиятимни якунлашнинг ажойиб усули бўлди", - деди Каррагер Liverpool Echo билан суҳбатда.