Fichajes portalining yaqinda e’lon qilgan xabariga ko‘ra, uchta yirik klub - "Milan", "Yuventus" va "Liverpul" "Real Madrid" hujumchisi Braim Diasni qo‘lga kiritish uchun kurashmoqda.
Ispaniyalik futbolchi "Milan"dagi ijarada muvaffaqiyatli o‘ynaganidan so‘ng Madridga qaytdi, biroq shundan so‘ng notinch kunlarni boshdan kechirdi.
"Milan" bilan o‘tkazgan davri uning jamoaning ajralmas qismiga aylanganini ko‘rsatgan bo‘lsa-da, uning Madridga qaytishi kutilgan samarani bermadi, cheklangan o‘yin vaqti va kam imkoniyatlar futbolchini boshqa klub topishga undaydi.
Braim Dias joriy mavsumda "Real"ning 9 ta o‘yinida qatnashib, bitta gol urdi va ikkita golli uzatmani amalga oshirdi. Yarim himoyachining shartnomasi 2027 yilgacha mo‘ljallangan.
