Boks bo‘yicha o‘tgan yili yurtimizda bo‘lib o‘tgan JCHda kumush medalni qo‘lga kiritgan Saidjamshid Jafarov professional boksda debyut qiladi.
30 noyabr kuni Rossiya Federasiyasining Yekaterinburg shahrida professional boks bo‘yicha RCC Boxing oqshomi tashkil etiladi.
Turnir doirasida yana bir charm qo‘lqop ustamiz — Saidjamshid Jafarov ham ringga ko‘tariladigan bo‘ldi. Unga o‘sha kuni rossiyalik Gor Oganesyan raqiblik qiladi. Jang 6 raund etib belgilangan.
Bu Jafarov uchun prof faoliyatidagi ilk jangi bo‘ladi. Oganesyan hisobida esa 1 ta g‘alaba, 1 mag‘lubiyat va 1 ta durang bor.
