«Manchester Siti»ning sobiq futbolchisi Serxio Aguero Angliya Premyer-ligasi turnir jadvalidagi holat haqida gapirdi. Ma’lumki, birinchi o‘rindagi «Liverpul» ikkinchi o‘rindagi «Manchester Siti»dan sakkiz ochko oldinda.
«Mutaxassislar poyganing natijasini baholashni yaxshi ko‘rishadi va mening javobim doim bir xil: u hali tugamagan. Mavsum oxiriga kelib, ochkolar bo‘yicha joriy ustunlik tenglashtirilishi mumkin. Biz buni ko‘p ko‘rganmiz. 2011-2012 yilgi mavsumda biz «Manchester Yunayted»dan sakkiz ochkoga ortda qolgan bo‘lsakda, yakunda APL kubogini qo‘lga kiritdik. Oldinda hali uzoq musobaqa bor ekan, balandparvoz xulosalar chiqarib bo‘lmaydi», - dedi Aguero.
1 dekabr, yakshanba kuni «Liverpul» va «Manchester Siti» Premyer-ligada o‘zaro uchrashuv o‘tkazadi.
