«Манчестер Сити»нинг собиқ футболчиси Серхио Агуэро Англия Премьер-лигаси турнир жадвалидаги ҳолат ҳақида гапирди. Маълумки, биринчи ўриндаги «Ливерпуль» иккинчи ўриндаги «Манчестер Сити»дан саккиз очко олдинда.

«Мутахассислар пойганинг натижасини баҳолашни яхши кўришади ва менинг жавобим доим бир хил: у ҳали тугамаган. Мавсум охирига келиб, очколар бўйича жорий устунлик тенглаштирилиши мумкин. Биз буни кўп кўрганмиз. 2011-2012 йилги мавсумда биз «Манчестер Юнайтед»дан саккиз очкога ортда қолган бўлсакда, якунда АПЛ кубогини қўлга киритдик. Олдинда ҳали узоқ мусобақа бор экан, баландпарвоз хулосалар чиқариб бўлмайди», - деди Агуэро.

1 декабрь, якшанба куни «Ливерпуль» ва «Манчестер Сити» Премьер-лигада ўзаро учрашув ўтказади.