"Manchester Siti" bosh murabbiyi Pep Gvardiola jamoa muxlislarining "Feyenoord" bilan o‘yindan keyingi (3:3) noroziligi haqida fikr bildirdi.
"Oxirgi o‘yinda "Tottenxem"ga 0:4 hisobida mag‘lub bo‘lganimizda, muxlislar bizni qo‘llab-quvvatlashdi. Ular qarsak chalishdi! Albatta, ularning bugun hafsalasi pir bo‘ldi, biz tushunamiz. Odamlar o‘tmishdagi muvaffaqiyatlarni eslash uchun stadionga kelishmaydi. Ular bizni g‘alaba qozonish va yaxshi o‘yin ko‘rsatishimizni istaydi. Ular bizni har doim qo‘llab-quvvatlaydilar va hozir ular o‘z his-tuyg‘ularini bildirishda mutlaqo haqli", - deya Gvardiolaning javobidan iqtibos keltiradi City Report.
