"Манчестер Сити" бош мураббийи Пеп Гвардиола жамоа мухлисларининг "Фейеноорд" билан ўйиндан кейинги (3:3) норозилиги ҳақида фикр билдирди.
"Охирги ўйинда "Тоттенхэм"га 0:4 ҳисобида мағлуб бўлганимизда, мухлислар бизни қўллаб-қувватлашди. Улар қарсак чалишди! Албатта, уларнинг бугун ҳафсаласи пир бўлди, биз тушунамиз. Одамлар ўтмишдаги муваффақиятларни эслаш учун стадионга келишмайди. Улар бизни ғалаба қозониш ва яхши ўйин кўрсатишимизни истайди. Улар бизни ҳар доим қўллаб-қувватлайдилар ва ҳозир улар ўз ҳис-туйғуларини билдиришда мутлақо ҳақли", - дея Гвардиоланинг жавобидан иқтибос келтиради City Report.
