«RB Leypsig» Xavi Simonsni o‘zida saqlab qolmoqchi.

21 yoshli yarim himoyachi ikkinchi mavsumni nemis klubida «PSJ»dan ijara asosida o‘tkazmoqda. «Bild» xabariga ko‘ra, «Leypsig» imkon qadar tezroq Simonsning to‘liq transferini amalga oshirmoqchi. Muzokaralar yanvar oyida boshlanishi mumkin.

Nashr shuningdek, parijliklar hujumchisi Randal Kolo-Muaniga «qizil buqalar» qiziqish bildirayotgani haqidagi ma’lumotni tasdiqlaydi.

Bundesliganing joriy mavsumida Simons 7 ta o‘yin o‘tkazib, 2 ta gol va 2 ta golli uzatmani amalga oshirdi. U to‘pig‘idan olgan jarohati tufayli 23 oktyabrdan buyon maydonga tushmayapti.