"Benfika" bosh murabbiyi Bruno Laje Chempionlar ligasining 5-turi doirasidagi "Monako" ustidan qozonilgan g‘alaba (3:2) haqida fikr bildirdi.
“Men g‘alabadan xursandman, uch ochkodan xursandman. Bizda ikki yoki uch ochko ko‘proq bo‘lishi mumkin edi, ammo biz intiqlik bilan kutyapmiz va keyingi bosqichga chiqish uchun bor e’tiborimizni qaratganmiz.
Biz har doim imkon qadar xotirjam bo‘lishga harakat qilamiz, ammo bu o‘yin juda hissiyotlarga boy bo‘ldi. Bu jamoaning g‘alabasi bo‘lganini mamnuniyat bilan ta’kidlaymiz: ham asosiy tarkib, ham o‘rinbosar sifatida maydonga tushish orqali bizga yordam berishdi”, — deya Laje so‘zlarini keltiradi UEFA matbuot xizmati.
"Monako" 10 ochko bilan turnir jadvalida 8-o‘rinda bormoqda. “Benfika” 9 ochko jamg‘arib, 14-o‘ringa ko‘tarilib oldi.
