Moliyaviy muammolar «Barselona»ni yarim himoyachi Frenki de Yongni transfer qilish imkoniyatini ko‘rib chiqishga majbur qilmoqda. «Fichajes» xabariga ko‘ra, niderlandiyalik futbolchiga «Liverpul» qiziqish bildirmoqda. Mersisaydliklar 27 yoshli de Yongni jamoa yarim himoyasini jiddiy kuchaytirishga qodir futbolchi deb bilishadi.
De Yongning «Barselona» bilan amaldagi shartnomasi 2025/2026 yilgi mavsum oxirigacha amal qiladi. «Transfermarkt» portali mutaxassislari niderlandiyalik futbolchini 60 million yevroga baholamoqda.
Joriy mavsumda Frenki «Barselona» safida 9 ta o‘yinda maydonga tushdi. Yarim himoyachi hech qanday samarali harakatlar qayd etmadi.
