Молиявий муаммолар «Барселона»ни ярим ҳимоячи Френки де Йонгни трансфер қилиш имкониятини кўриб чиқишга мажбур қилмоқда. «Fichajes» хабарига кўра, нидерландиялик футболчига «Ливерпуль» қизиқиш билдирмоқда. Мерсисайдликлар 27 ёшли де Йонгни жамоа ярим ҳимоясини жиддий кучайтиришга қодир футболчи деб билишади.
Де Йонгнинг «Барселона» билан амалдаги шартномаси 2025/2026 йилги мавсум охиригача амал қилади. «Transfermarkt» портали мутахассислари нидерландиялик футболчини 60 миллион еврога баҳоламоқда.
Жорий мавсумда Френки «Барселона» сафида 9 та ўйинда майдонга тушди. Ярим ҳимоячи ҳеч қандай самарали ҳаракатлар қайд этмади.
