"Chelsi" bosh murabbiyi Enso Mareska Konferensiyalar ligasi doirasidagi "Xaydenxaym"ga (2:0) qarshi o‘yindan so‘ng Jeydon Sancho haqida gapirdi.

24 yoshli vinger “ko‘klar”ning ikkala goliga ham hissa qo‘shib, 51 va 86-daqiqalarda Kristofer Nkunku va Mixail Mudrikka assistentlik qildi.

Bu angliyalikning 20-oktyabrdan buyon ilk marta asosiy tarkibda tushishi edi.

"Sancho biz uchun juda muhim ekanini boshidan aytgandim. U yaxshi jismoniy va ruhiy holatda bo‘lishi kerak - shunda u bizga yordam bera oladi.

Afsuski, oldingi o‘yinlarda unga ishona olmadik, ammo bugun u qanchalik muhim rol o‘ynashi mumkinligini ko‘rsatdi.

Past blokda himoyalanadigan raqiblarga qarshi maydonning uchdan bir qismida uning xususiyatlari bizga kerak.

U bizga ko‘p yordam beradi", - deya Mareskaning so‘zlarini keltiradi jurnalist Bobbi Vinsent.