"Arsenal" bosh murabbiyi Mikel Arteta yakshanba kuni bo‘lib o‘tadigan "Liverpul" va "Manchester Siti" o‘rtasidagi o‘yinni tomosha qilishni rejalashtiryaptimi yoki yo‘qligi haqidagi savolga javob berdi.

"Ha, 100%. Bu ajoyib o‘yin, tomosha qilish uchun ajoyib o‘yin. Yevropaning ikki top jamoasi bir-biriga to‘qnash kelishmoqda va ular bizning raqibimiz. Demak, bu katta o‘yin bo‘ladi", dedi Arteta jurnalistlarga.

Shuningdek, Artetadan Premyer-liga turining bo‘lajak asosiy o‘yinida g‘olibni ko‘rishni xohlaysizmi, deb so‘rashdi. Bu yerda "kanonirlar" ustozi to‘g‘ridan-to‘g‘ri javob berishdan qochdi.

"Ha, men "Arsenal" ertaga g‘alaba qozonishini xohlayman", dedi Arteta.

Shanba kuni "Arsenal" safarda "Vest Xem"ga qarshi o‘yin o‘tkazadi.