Qozonning «Rubin» jamoasi yarim himoyachisi Umarali Rahmonaliyev Moskvaning SSKA jamoasida to‘p surayotgan yarim himoyachi Abbosbek Fayzullayevning kelajagi haqida fikr bildirdi.  

— SSKAda sizning hamyurtingiz Abbosbek Fayzullayev jamoaning asosiy yulduzlaridan biriga aylandi. Uning bir yarim yil ichida RPLda yetakchi bo‘lib qolgani siz uchun hayratlanarlimi?  

— Yo‘q, hayratlanarli emas. Biz u bilan ko‘pdan beri tanishmiz, bolalikdan. Bolalar va o‘smirlar o‘rtasidagi o‘yinlarda unga qarshi ko‘p to‘p surganman. Keyin milliy jamoada ham birga o‘ynadik. U yaxshi yigit va ajoyib texnikaga ega yaxshi futbolchi. SSKAda shuni namoyon qilayapti. Shu sababli uning yutuqlariga hayron emasman.  

— Ko‘pchilik uning RPLda uzoq qolmasligini va tez orada Yevropaning eng kuchli chempionatlaridan biriga yo‘l olishini aytib kelmoqda. Sizningcha, u qaysi ligaga mos keladi?  

— Xudo xohlasa, u u yerda ham o‘zini ko‘rsatadi. Ammo qayerga yo‘l olishini oldindan aytib bo‘lmaydi. Shunday ekan, voqealar rivojidan ilgarilab ketmaymiz— dedi Rahmonaliyev «Izvestiya»ga bergan intervyusida.  

Joriy mavsumda 21 yoshli Abbosbek Fayzullayev SSKA uchun 21 ta o‘yinda maydonga tushib, 3 ta gol urdi va 6 ta assist berdi. Transfermarkt portali uning narxini 6 million yevroga baholamoqda.