Pep Gvardiola nima uchun uni "Manchester Siti"dan chetlatishmayotganini tushuntirdi.
"Shaharliklar" ketma-ket oltita uchrashuvdan beri g‘alaba qozona olmayapti, shundan beshtasida mag‘lub bo‘ldi.
"Bu klubda g‘alabalar kerak, agar ular bo‘lmasa, muammoga duch kelasiz.
Odamlar "Nega Pep ishdan bo‘shatilmayapti?", deyapti. Oxirgi sakkiz yil ichida biz nima qildik, qarang, shuning uchun menda zaxira bor. Men qolishni va ishlashni davom ettirmoqchiman.
Klubga pozitivlik olib kelmayotganimni his qilsam, o‘rnimga boshqa murabbiy keladi. Shunday bo‘lishi kerak.
Ammo endi men yechim topishim kerak va men har kuni harakat qilaman. O‘zimga isbotlashim kerak bo‘lgan narsam bor", - dedi "Manchester Siti" bosh murabbiyi Pep Gvardiola.
"Shaharliklar" bilan kataloniyalik murabbiy 6 marta Angliya chempioni bo‘ldi va Chempionlar ligasida g‘olib chiqdi.
