Polshalik jurnalist va «Barselona» darvozaboni Voysex Shesnining do‘sti Lukash Vishnevskiy polyakning Kataloniya klubida baxtsiz ekani haqidagi ma’lumotlarga izoh berdi.
«U juda mamnun. U mutlaqo mamnun. Buning ustiga, butun oilasi kabi, u Kasteldefelsda emas, Gavada yashayotganidan xursand, garchi bu shaharchalar chegaradosh bo‘lsa-da.
U klubdagi o‘z mavqeidan ham mamnun. Men o‘ylaymanki, vaqti kelib Xansi Flik va uning xodimlari unga ishonch bildiradi. Axir, ular ham mashg‘ulotlarni kuzatib borishadi», - dedi Vishnevskiy.
Eslatib o‘tamiz, 34 yoshli polyak 27 avgust kuni faoliyatini yakunlagan, 2 oktyabr kuni esa ter Shtegenning jarohati tufayli «Barselona» tarkibiga qo‘shilgan edi.
