Italiyaning “Milan” klubi “Sassuolo”ga qarshi kechgan kubok bahsida o‘z saviyasini ko‘rsatdi va 6:1 hisobida g‘alaba qozondi. Angliyalik himoyachi Fikayo Tomorining fikricha, jamoa maydonda, jumladan, himoyada ham ancha yaxshi munosabatda bo‘la boshladi.
"Biz kuchli jamoamiz. Har bir uchrashuvda g‘alaba qozonishni istaymiz. Endi asosiy maqsadimiz kamroq o‘tkazib yuborish. Hozir biz jamoa sifatida himoyada yaxshiroq harakat qila boshladik, bunda barcha o‘yinchilar ishtirok etishadi", - deya Tomori so‘zlarini keltiradi pianetamilan.it.
Keyingi o‘yinda “Milan” Italiya chempionatida “Atalanta”ga qarshi maydonga tushadi.
