«Vulverxempton» markaziy himoyachisi Kreyg Douson «Everton»ga (0:4) qarshi APL 14-turi doirasidagi safar uchrashuvining 24 daqiqa oralig‘ida ikkita avtogol muallifiga aylandi. Futbolchi o‘yinning 49-daqiqasida jamoasiga 0:2, 72-daqiqada esa 0:3 hisobida avtogollar kiritib, yakuniy natijani qayd etdi.
34 yoshli Douson 2023 yil yanvaridan beri «Vulvs» safida to‘p tepadi va joriy mavsumda Premyer-ligada 12 ta o‘yin va Liga kubogida bitta o‘yin o‘tkazdi.
«Vulverxempton» Premyer-liganing 14 o‘yinida 9 ochko to‘pladi va turnir jadvalida 19-o‘rinni egallab turibdi - quyi ligaga tushib ketish zonasida. 14 ta o‘yinda «bo‘rilar» 36 ta gol o‘tkazib yuborgan bo‘lsa, shundan 8 tasi so‘nggi ikki o‘yinda qayd etilgan.
