«Вулверхэмптон» марказий ҳимоячиси Крейг Доусон «Эвертон»га (0:4) қарши АПЛ 14-тури доирасидаги сафар учрашувининг 24 дақиқа оралиғида иккита автогол муаллифига айланди. Футболчи ўйиннинг 49-дақиқасида жамоасига 0:2, 72-дақиқада эса 0:3 ҳисобида автоголлар киритиб, якуний натижани қайд этди.

34 ёшли Доусон 2023 йил январидан бери «Вулвс» сафида тўп тепади ва жорий мавсумда Премьер-лигада 12 та ўйин ва Лига кубогида битта ўйин ўтказди.

«Вулверхэмптон» Премьер-лиганинг 14 ўйинида 9 очко тўплади ва турнир жадвалида 19-ўринни эгаллаб турибди - қуйи лигага тушиб кетиш зонасида. 14 та ўйинда «бўрилар» 36 та гол ўтказиб юборган бўлса, шундан 8 таси сўнгги икки ўйинда қайд этилган.