"Fulxem" bosh murabbiyi Marko Silva jamoasining Londonning "Arsenal" klubiga qarshi o‘yindagi durangiga baho berdi.
London jamoalari shanba oqshomida Premyer-liganing 15-turi doirasidagi uchrashuvni 1:1 hisobida yakunladi.
“Avvalo, futbolchilarni fidoyiliklari uchun maqtashimiz kerak. Oxirgi o‘yinimizga 72 soatdan kam vaqt o‘tdi.
Ikkinchi bo‘limda energiya yetishmayotganini his qildim, chunki to‘psiz ko‘p vaqt o‘tkazsangiz, kuchli oyoqlar kerak bo‘ladi.
Umuman olganda, bizning majburiyatimiz va ruhiy holatimiz juda yaxshi edi", - deya Silvaning so‘zlarini keltirmoqda Sky Sports.
