"Фулхэм" бош мураббийи Марко Силва жамоасининг Лондоннинг "Арсенал" клубига қарши ўйиндаги дурангига баҳо берди.
Лондон жамоалари шанба оқшомида Премьер-лиганинг 15-тури доирасидаги учрашувни 1:1 ҳисобида якунлади.
“Аввало, футболчиларни фидойиликлари учун мақташимиз керак. Охирги ўйинимизга 72 соатдан кам вақт ўтди.
Иккинчи бўлимда энергия етишмаётганини ҳис қилдим, чунки тўпсиз кўп вақт ўтказсангиз, кучли оёқлар керак бўлади.
Умуман олганда, бизнинг мажбуриятимиз ва руҳий ҳолатимиз жуда яхши эди", - дея Силванинг сўзларини келтирмоқда Sky Sports.
