«Barselona» yarim himoyachisi Frenki de Yong tezroq o‘z sport formasini tiklab olmoqchi.
Jurnalist Toni Xuanmarti xabariga ko‘ra, Frenki «Betis» bilan durrangda (2:2) o‘zini aybdor his qildi. O‘yindan so‘ng u jamoadoshlaridan uzr so‘radi. Hech kim uni ayblamagan bo‘lsada, futbolchi bu haqda jamoadoshlarini xabardor qilish uchun o‘zi mas’uliyatni his qildi.
27 yoshli niderlandiyalik futbolchi har qanday tanqidni qabul qilishga tayyor, chunki u yuqori darajaga qaytish uchun qattiq ishlayapti. U bir necha haftadan beri qo‘shimcha mashg‘ulotlar olib bormoqda.
