«Барселона» ярим ҳимоячиси Френки де Йонг тезроқ ўз спорт формасини тиклаб олмоқчи.
Журналист Тони Хуанмарти хабарига кўра, Френки «Бетис» билан дуррангда (2:2) ўзини айбдор ҳис қилди. Ўйиндан сўнг у жамоадошларидан узр сўради. Ҳеч ким уни айбламаган бўлсада, футболчи бу ҳақда жамоадошларини хабардор қилиш учун ўзи масъулиятни ҳис қилди.
27 ёшли нидерландиялик футболчи ҳар қандай танқидни қабул қилишга тайёр, чунки у юқори даражага қайтиш учун қаттиқ ишлаяпти. У бир неча ҳафтадан бери қўшимча машғулотлар олиб бормоқда.
