"Real" bosh murabbiyi Karlo Anchelotti Chempionlar ligasi doirasidagi "Atalanta"ga qarshi o‘yindan kutilmalari bilan o‘rtoqlashdi.

"Atalanta" juda yaxshi o‘ynaydi. Ular kuchli turtki va g‘ayratga ega, ammo biz ochkolar to‘plash va qolgan o‘yinlardan foydalanishga qat’iy qaror qildik. Bellingem avvalgi uchrashuvda yana gol urdi, bu uning uchun ham, biz uchun ham juda muhim. U doim o‘z hissasini qo‘shadi, hatto gol urmasa ham. Men o‘z jamoamga to‘liq ishonaman. Keyingi paytlarda ishlar o‘nglanib bormoqda. Biz bu o‘yinni so‘nggi vaqtlardagi eng murakkab o‘yinlarimizdan biri deb hisoblaymiz," - deya Anchelotti so‘zlarini keltirmoqda UEFA rasmiy sayti.