"Liverpul" himoyachisi Endryu Robertson Chempionlar ligasi umumiy bosqichining 6-turida "Jirona" ustidan qozonilgan g‘alabadan so‘ng (1:0) turnirning yangicha formatiga to‘xtaldi.
"Yangi formatdagi turnir kurashni yanada keskinlashtirdi, chunki hamma birinchi sakkizlikka kirish uchun kurashmoqda. Shuning uchun ham turli o‘yinlarda gollar ko‘pligini ko‘rishimiz mumkin. Garchi biz bugun faqat bitta gol bilan cheklanib qolgan bo‘lsak-da, umuman olganda, tendensiya yaqqol ko‘zga tashlanadi. O‘ylaymanki, bugun hamma biz o‘z ishimiz bilan shug‘ullanganimizdan mamnun - shunchaki g‘alaba qozonish kerak edi," - dedi Robertson.
"Liverpul" 18 ochko jamg‘arib, Chempionlar ligasi turnir jadvalida peshqadamlikni mustahkamladi. "Jirona" 3 ochko bilan 30-pozisiyada turibdi.
